இன்றும் நாட்டின் பெரும்பாலான பகுதிகளில் மழையுடனான வானிலை.

𝐈𝐍𝐓𝐄𝐑𝐍𝐀𝐓𝐈𝐎𝐍𝐀𝐋 தமிழ் 𝐌𝐄𝐃𝐈𝐀

 இன்றும் நாட்டின் பெரும்பாலான பகுதிகளில் மழையுடனான வானிலை.

தாழ் அமுக்கப் பிரதேசமானது தற்பொழுது நாட்டின் கிழக்கு கரைக்கு அப்பால் உள்ள கடல் பிராந்தியத்தில் நிலைகொண்டுள்ளது.

 இதன் தாக்கத்தின் காரணமாக நாட்டின் பெரும்பாலான பகுதிகளில் மழையுடனான வானிலை மேலும் அதிகரித்துக் காணப்படும் என எதிர்பார்க்கப்படுகிறது.

 நாடு முழுவதிலும் வானம் முகில் சூழ்ந்து காணப்படும். நாட்டின் பெரும்பாலான பகுதிகளில் அடிக்கடி அல்லது இடியுடன் கூடிய மழையும் பெய்யக்கூடும்.

 சில இடங்களில் 100 mm இலும் கூடிய பலத்த மழை பெய்யலாம் என எதிர்பார்க்கப்படுகிறது. 

பலத்த காற்றும் மின்னல் தாக்கங்களும் ஏற்படக்கூடிய சந்தர்ப்பங்களில் பொதுமக்கள் அவதானத்துடன் செயற்படுமாறு கேட்டுக்கொள்ளப்படுகின்றனர். 

கடல் பிராந்தியங்களில் தாழ் அமுக்கப் பிரதேசத்தின் தாக்கத்தின் காரணமாக நாட்டை சூழ உள்ள கடல் பிராந்தியங்களில் காற்றுடன் கூடிய மழை மேலும் அதிகரித்துக் காணப்படும்.

 ஆனபடியினால் திருகோணமலை தொடக்கம் காங்கேசன்துறை ஊடாக புத்தளம் வரையான கடல் பிராந்தியத்திற்கு மறு அறிவித்தல் வரையில் மீனவர்களும் கடல்சார் ஊழியர்களும் செல்ல வேண்டாம் என அறிவுறுத்தப்படுகின்றனர். 

நாட்டை சூழ உள்ள கடல் பிராந்தியங்களின் பல இடங்களில் மழை அல்லது இடியுடன்கூடிய மழை பெய்யக்கூடும். திருகோணமலை தொடக்கம் காங்கேசன்துறை ஊடாக புத்தளம் வரையான கடல் பிராந்தியங்களில் மணித்தியாலத்திற்கு 60 ‐ 65 km இலும் கூடிய வேகத்தில் அடிக்கடி காற்று அதிகரித்து வீசுவதுடன் அவ்வேளைகளில் இக் கடல் பிராந்தியங்கள் கொந்தளிப்பாக் காணப்படும். 

ஆனால் இடியுடன் கூடிய மழை பெய்யக்கின்ற சந்தர்ப்பங்களில் தற்காலிகமாக பலத்த காற்று வீசுவதுடன் அவ்வேளைகளில் கடல் பிராந்தியங்கள் மிகவும் கொந்தளிப்பான நிலையில் காணப்படும். கலாநிதி மொஹமட் சாலிஹீன் சிரேஸ்ட வானிலை அதிகாரி.

 ✶✶⊶⊷⊷❍ 𝑰𝑻𝑴 ❍⊶⊶⊷✶✶ 

👉எமது #Whatsapp குழுவில் இணைய

 👇👇👇👇

 https://api.whatsapp.com/send?phone=94715505714&text=உங்கள்+Group+ல்+இணைய+விரும்புகிறேன்

 #TELEGRAM_CHANNEL 

👇👇👇

 https://ift.tt/2Zhv1aQ
https://ift.tt/3vnDiVc